ARTIKEL

NGABUBURIT KU NONTON KONSER MUSIK

K

onser ngarupekun kecap anu teu asing deui di masyarakat, hususna di kalangan pamuda. Konser teh nyaeta nampilkeun musisi dina panggung bari nyanyikeun lagu-laguna. Lilana Konser biasana 1 jam. Konser music aya nu bayar karcis, aya oge anu garatis, gumantung kana event. Tapi, konser ngabuburit biasana garatis, da eta mah kaasup kana program sponsor. Anu nonton konserna oge loba pisan, ti barudak sakola nepika kolot. Ngabuburit teh mangrupakeun kagiatan anu sok dilakukeun ku barudak jang nungguan waktu buka puasa. Kagiatan ngabuburit biasana mah ulin atawa jalan-jalan anu ceuk sabagian jalma loba madhorotna.

Dina acara konser ngabuburit teh aya anu resepen aya oge anu henteu. Cek anu resepen mah eta acara teh kacida alusna, soalna jang ngeusi waktu nungguan buka puasa. Daripada sare atawa ulin anu teu puguh, mending nonton konser. Nonton konser teh oge teu haram. Ceuk anu teu resepen mah, konser teh matak papaseaan, da anu nontonna jaroged sabari silih senggol, jadi garelut di lapang. Oge nonton konser dina bulan puasa teh kagiatan anu teu guna, da moal menang pahala. Salian ti kitu, dina anu nonton konser teh loba anu teu paruasa. Mani eweh ka era, ngopi, ngaroko, di lapang. Mendingan ngaji atawa maca buku di imah. Acara ngabuburit oge eweh anjuran ti agama, eta mah ngan saukur tradisi di Indonesia.

Ceuk pamadegan simkuirng mah acara konser ngabuburit teh aya alusna lamun dibarengan ku niat jeung cara anu hade. Lamun urang nonton acara eta niatna silaturahmi jeung babaturan sabari ngajaga laku lampah eta kagiatan teh bisa kaasup alus. Tapi, lamun niat urang nonton konser ngabuburit teh jang hura-hura tur dibarengan ku laku lampah anu pimudharateun, eta kagiatan bisa matak dosa. Tah, lamun kitu mah ayana acara konser ngabuburit teh kumaha anu ngalaksanakeunana; naha arek dijadikeun acara anu hade atawa arek dijadikeun kagiatan anu goreng.